Nos amis du Nord (Chti inside) - Violet POWA (page 2) • Link Station

Benmars · 2005-06-28T15:29:12+00:00

Dans la série, et exceptionnellement hors topic "Histoires drôles : Ch'est eune femme qu'al téléphone à Nord-Eclair et cha donne cha : Allo, ch'est Nord-Eclair ? J'voudros mette eune annonce du décès de m'n'homme, mais avint cha, vu qu'ch'est l'première fos, dites-me combin qu'cha coûte ? C'est qu'en fait Madame, cela dépend de la taille de l'annonce souhaitée! Eune tiote, cha ira. In n'est nin riches savez ! Alors, ch'est combin pour eune tiote ? Pour l'annonce petit modèle, l'emplacement coûte 50 Euros et ensuite c'est 10 Euros la ligne. Ah ouais quind même.....faut nin in dire d'trop alors ! Oui, en quelque sorte ! Attinds, laisse me réfléchir.... écris : "Paul Dupont i est mort". Oui Madame, c'est noté, ensuite ? Après ? Ben ch'est tout, hein fiu ! J'n'ai nin grammint d'sous _mi ! Je comprends Madame, mais une seule ligne, ca fait court, je _dirais même que cela ne s'est jamais vu... Ouais, ben ch'est comme cha. J'nai nin les moyens, si teu n'veux nin d'mes sous, dis le ! Euh, écoutez Madame, je comprends votre détresse et je prends sur moi, au nom du Journal, de vous offrir une ligne supplémentaire gratuitement. Ah ? ben t'es un braf ti ! A ch'teure j'ai drot à 2 lines ? Exactement chère Madame, qu'inscris-je ? Ouais, attinds, j'réfléchis..... voilà, té comminches parel : "Paul _Dupont I est mort" et pis té rajoutes in d'zous : "Mobylette à vinte, d'mander à Mame Dupont".

Aller au Forum:

SSSSputnikGuruNiveau 15 · Jury du publicRéférenceur Appliqué

Membre depuis: 2002
Messages: 7052

Plus

Membre n°: 3777
Inscription: 17 Aug 2002
Âge: 59 ans
Sujets lancés: 117
Ancienneté: 99 %
Participation: 86 %
Temps en ligne: 25 Jours, 6 Heures, 25 Minutes, 57 Secondes en ligne

02-03-2008 20:07

gosses ed corons

Quand j’étos core un gosse avec mes camarates,
El jeudi arrivé, in savot s’amuser
À l’doche berlicoco, à l’toupie, al guisse bate
À l’pèque à épinoques, in étot acharnés.

In s’élevot ed bonne heure pour placher des attrapes
In juot à la line avec des pièches deux sous,
avec des biscailliens in juot pour des mapes.
In avot des muchettes un p’tit peu tout par tout.

Tout in bas d’ech terril in cuisot des pétotes
Et cha n’impéchot pas qu’in les mingeot tout crutes ;
In creuyot qu’is étotent cuites parcequ’is étotent fort cautes.
In s’régalot ed vir ches tiot qui ravisotent.

In cueillot des fourdaines, in mingeot des poiriettes,
À cartes ch’étot l’mariache ou bien l’cul déplumé,
Ech pot, cha pouvot ête un p’tit sac ed pirettes :
Pot, rata, sus l’tas et les boïaux salés

Duand i faisot biau pour apprinte à nager
In infonçot s’tête din un séau plein d’iau ;
A croucrou dins l’batteuse, cha piquot sin nez
Nos parints i riotent ed vir leus gosses si biaux.

Mais pour savoir nager in avot nou secret.
Au momint des vacances et tout déshabillés,
Espadrilles à nous pieds, muchés par un mouchoir,
In plongeot à plat vinte dins l’fond d’un abreuvoir.

Ech goufe, qu’in l’appelot; in étot ingelés
D’nager à pattes ed tchiens tout comme ches Polonais.
Ech garte ed temps in temps faisot semblant d’crier ;
Avec nous loques sous l’bras, in avot vite filé.

In faisot des dragons avec du viux journal,
Du papin à l’farine et un morciau d’fichelle.
In courant dins l’s éteules in jévot des cornalles ;
Ech dragon i volot si haut qu’ches hirondelles.

In hiver in avot des galoches à nous pieds,
Avec des daches à z’ailes qu’in s’dépéchot d’user
Pour glicher près d’el pompe ; in allongeot l’glichate :
I’n a qu’is avotent des boches aussi grosses qu’eune tomate.

Dins nou classe, à l’école, in étot plus d’cinquante ;
Moitié pour ches français, l’aute moitié étrangers ;
Nos batalles inter nous n’étotent pas trop mécantes ;
In classe souvint ch’premier ch’étot un polonais.

Au momint d’el ducasse in cassot nou tirelire,
In montot à ch’casse gueule et à ches bilanchettes ;
Y avot eune baraquaine qu’alle racontot l’avenir,
Mais l’lindmain surtout fallot pas faire queuette.

Aujourd’hui j’m’in souviens comme si ch’étot hier !
Ej voudros vous arvir tartous mes bons copains !
Hélas ! i’n a gramint qui arposent au cim’tière,
Et j’peux pas m’impécher d’pinser à vous souvint.

__________________
Celui qui n'est plus ton ami ne l'a jamais été. Aristote
Membre du Dsp'Fan'Club'Europe